Бул тууралуу жергиликтүү маалымат каражаттары жазып чыкты. Ал эми Садыркулов туш болгон кырсыкты иликтеп жаткан Башкы прокуратуранын маалымат кызматы ал маалыматты төгүндөй да, ырастай да албасын бүгүн билдирди. 13-мартта Аламүдүн районундагы Койташ айлына жакын жерде жол кырсыгынан президенттик администрациянын мурунку башчысы Медет Садыркулов,президент алдындагы стратегиялык иликтөө институнун мурунку башчысы С.Слепченко, айдоочу К.Сулайманов каза болду деп кабарланган. Аны тастыктоо үчүн күйүп кеткен автоунаадагы сөөктөр Москвга ДНК экспертизасына жөнөтүлгөн. Экспертиза сөөктөр мына ошол адамдарга таандык экенин аныктап бергени кабарланууда.(AiT)
