Райондук жана шаардык шайлоо комиссияларына кирүү үчүн чүчү кулак кармоого сегиз саясий партиянын өкүлдөрү катышты. Облустук шайлоо комиссиянын төрагасы Нурмамат Ашымов “Азаттыкка” билдирген маалыматка караганда, “Ата Мекен” партиясынын мүчөлөрү облустагы райондук-шаардык шайлоо комиссияларынын курамына кирди, бирок Базар-Коргон райондук шайлоо комиссиясына өткөн жок. СДПнын мүчөлөрү Чаткал, Сузак, Жалал-Абат аймактык комиссияларына кирди. "Содружество", "Родина" партиялары арткы орунду ээлегени үчүн алардын өкүлдөрү шайлоо комиссияларына кирбей, резервде калды. (YA)
