Анда, Ооганстандагы эл аралык бейпилдик күчтөрү жергиликтүү карапайым тургундардын коопсуздугун камсыз кылууга өтө чоң маани бериши керектиги, антпесе алардын ооган жергесиндеги ой-максаты майнапсыз аяктаары ыктымал экендиги эскертилет. Ошондой эле эл аралык 11 кайрымдуулук уюму кол койгон билдирүүдө, былтыр Ооганстанда тынч элдин арасында жоготуулардын кескин көбөйүп кеткени эл аралык коомчулукту кыйла тынчсыздандырганы баса белгиленет. Андан тышкары АКШнын Ооганстандагы аскерлерине кошумча 21 миң аскер жөнөтүү планы аймактагы копсуздук кырдаалын ого бетер курчутуп, орто жолдо тынч эл бөөдө жабыр тартышы ыктымалдыгы баса белгиленет.
