Кытайдын Тышкы иштер министрлигинин басма сөз катчысы Коопсуздук кеңеши Пхеньяндын ракета учурушуна этият жооп бериши керек деп билдирди. АКШ жана Япония Түндүк Корея баллистикалык ракеталарды сыноодон өткөрүүгө салынган тыюуну бузду деп, аны айыптаган резолюция кабыл алууга үндөшкөн. Бирок Улуттар уюмунун Коопсуздук кеңеши Түндүк Кореянын ракета сыноосу боюнча кандайдыр документ кабыл ала элек. Россия менен Кытай катаң резолюция Пхеньяндын ядролук программасы боюнча алты тараптуу сүйлөшүүлөргө залакасын тийгизет деп санашат.
