Ирандын талаштуу өзөктүк программасынын айланасындагы чатакты дипломатиялык жол менен чечүү максатында өткөрүлө турган сүйлөшүүлөргө АКШ да катышат. Бул тууралуу АКШнын мамлекеттик департаментинин басма сөз өкүлү Роберт Вуд билдирди. Лондондо АКШ, Орусия, Кытай, Франция, Германия жана Британиянын өкүлдөрүнүн катышуусунда өткөн сүйлөшүүлөрдөн кийин мындай талкууга Иран бийлигин да чакыруу сунушталды. АКШнын мурдагы өкмөтү мындай сүйлөшүүлөргө катышуудан баш тартып келген.
