Польша августта Ооганстанда өтө турган президенттик шайлоодо коопсуздукту камсыз кылуу үчүн бул өлкөдөгү аскеринин санын 20 пайызга көбөйтөт. Бул тууралуу Польшанын президенти Лех Качинский билдирди. Польшанын президенти бул күндөрү Кабулда иш сапары менен жүрөт. Качинский ооган президенти Хамид Карзай жана НАТОнун курамында кызмат өтөгөн польшалык 1600 жоокерлер менен жолугушту. Кабарларга караганда, Польша Ооганстанга кошумча 320 жоокер жөнөтөт.
