Эгерде Ирандын өзөктүк программасы тууралуу сүйлөшүүлөр “өз ара урматтоо жана адилет негизде” өтө турган болсо, расмий Тегеран мындай талкууларга катышат. Бул тууралуу Ирандын президенти Махмуд Ахмадинежад өзөктүк отун-кубат станциясы үчүн урандан отун жасаган биринчи заводдун ачылышы маалында билдирди. Буга чейин байкоочулук кылып келген АКШ да мындай сүйлөшүүлөргө катышаарын билдирүүдө. Жакында мамлекеттик катчы Хиллари Клинтон мындан ары Вашингтон сүйлөшүүлөргө "толук укукта" катышарын ырастаган.
