Кечээ мөөнөтсүз акциянын төртүнчү күнүндө демонстранттар Михаил Саакашвилини өткөн жылы Орусия менен кыска мөөнөттүк согуш үчүн айыпташты. Алгач оппозиция христиандар үчүн ыйык болгон Пасха майрамынын алдында жекшемби күнү митинг өткөрбөй турганын билдирген. Бирок 12-апрелге караган түнү беттерин чүмбөттөгөн белгисиз адамдар митинг өтүп жаткан аянтка кирип келип, башаламандык уюштуруп, техниканын баарын талкалап кеткенден кийин бул чечиминен кайтып, нааразылык акциясын улантышкан. Оппозиция да, бийлик да жекшембиге караган түнү орун алган бул окуя үчүн бири-бирин айыптоодо.
