Президенттикке талапкер Исмаил Исаковдун ыйгарым укуктуу 25 өкүлү БШКдан каттоодон өтүштү. Бүгүн аларга расмий күбөлүк берилет. Бул болсо ыйгарым укуктуу өкүлдөргө президенттикке талапкер Исмаил Исаков үчүн элден кол чогултууга мүмкүнчүлүк берет. Мындай маалыматты Исмаил Исаков “Азаттыкка” билдирди. Шайлоо кодексинин талабына ылайык талапкерлер президенттик шайлоого катышуу үчүн өлкөнүн жети облусунан, Бишкек жана Ош шаарынын ар биринен 3% кем эмес адамдардын макулдугун алууга тийиш.(ZKo)
