Ишенбай Кадырбеков камактан бошотулуп, үй камагына алынды

Ленин райондук сотунун маалыматына караганда мындай чечим бүгүн кабыл алынып, ишке ашырылды.
Каржы полициясы Курулуш жана архитектура агенттигинин мурдагы башчысы Ишенбай Кадырбековго каршы кылмыш ишин козгоп, былтыр 25-апрелде камакка алган. Кызматынан кыянаттык менен пайдаланды деген негиз менен козголгон кылмыш ишинин негизинде иши сотко ашкан. Кадырбеков өзү болсо бүгүнкү күнгө чейин Бишкек шаарында убактылуу №1 тергөө абагында отурган.(BuS)