ИИМдин басма сөз кызматынан “Азаттыкка” маалымдашкандай депутатты атып, качып кеткен адамды издөө иштери жана бул ишке байланыштуу иликтөө жүргүзүлүп жатат. Азырынча башка эч кандай маалымат берилбейт, деп билдирди ИИМдин атын айткысы келбеген басма сөз кызматкери. Кечээ саат 17лер чамасында ЖК эки чакырылыштагы депутаты, 33 жаштагы Санжар Кадыралиевди Бишкектеги Бөкөнбаев-Ибраимов көчөлөрүнүн кесилишиндеги үйүнүн жанынан белгисиз бирөө тапанча менен башына атып кеткен. Депутат ошол жерде каза болгон. (ZKo)
