Бул тууралуу “Ата Мекен” партиясынын төрагасы Өмүрбек Текебаев билдирип, талапкердин аты маалымат жыйында айтылат деди. Оппозициялык кыймыл 15-апрелде өткөргөн жыйында президенттик шайлоого бириккен оппозициянын атынан чыга турган талапкерди аныктаган болчу. Бирок талапкердин аты-жөнү ачык айтылбай тургандыгын айтышкан. Айрым маалымат булактарында БЭКтин бирдиктүү талапкери Социал-демократтар партиясынын төрагасы Алмазбек Атамбаев болушу күтүлүп жатканы айтылган эле. (ES)