Москва калаасында Орусиянын патриархы Кириллдин жетекчилиги астында майрамга карата ырасмий каадалар жасалып, ага премьер-министр Владимир Путин менен президент Дмитрий Медведев катышты. Кийинчерээк патриарх Кирилл Орусиянын «Вести» каналы аркылуу сөз сүйлөп, ушул тапта батыш улуттары руханий кризиске туш болушканын айтты. Айта кетсек, грек ортодокстары, армяндар жана түштүктөгү башка ортодокстар пасханы бир жума айырма менен майрамдашат. Анткени алар ушул кезге чейин ар башка календарды колдонуп келишет.
