Бул тууралуу ЖК депутаты Галина Куликова бүгүн парламентте билдирди. Анын айтуусунда республиканын бардык аймактарында мугалимдик эмгек стажы үчүн мыйзамдуу акыларын ала албай жүрүшөт. Депутат айым бул маселени эске алып, чечүүсүн өкмөттүн парламенттеги өкүлүнөн өтүндү. Ал эми депутат Динара Молдошева башталгыч класстар үчүн берилүүчү ысык тамакты даярдоочу ашпоздорго төлөнүүчү каражаттын жетишсиздигинен айрым мектептерде класс жетекчилерди тамак жасоого мажбурлап жатышкан фактылар бар экендигин билдирди.(ZKo)
