Бүгүн (28-апрелде) президент Курманбек Бакиев Аралды сактоо боюнча эл аралык корду түзгөн мамлекет башчылардын Алма-Атада шаарындагы саммитине катышат. Бул тууралуу президенттин маалымат кызматы билдирди. Жыйында негизинен аталган кордун алкагында кызматташуунун жыйынтыктары талкууланмакчы. Өлкө башчысын президенттин администрациясынын тышкы саясат боюнча бөлүмүнүн башчысы Айбек Молдогазиев, тышкы иштер министри Кадырбек Сарбаев, өнөр жай, энергетика жана отун ресурстары министри Ильяс Давыдов коштоп барышат. (AJ)
