Орусиянын Свердлов облусунун борборунда бүгүн өтүп жаткан жыйын “ШКУ жаштар ассамблеясынын” уюштуруу жыйыны деп аталат. Ага ШКУга мүчө өлкөлөрдүн Казакстандан “Жас Отан”, Казакстан жаштар конгрессинен өкүлдөр, Кытайдын жаштар федерациясынан, Тажикстандын жаштар союзунан жана Кыргызстандан Коомдук жаштар кеңеши менен жаштардын ордо кеңешинен өкүлдөр катышууда. Мындан тышкары ШКУга байкоочу өлкөлөрдөн да өкүлдөр чакырылган. Бул маалыматты КРнын Екатеринбургдагы өкүлчүлүгүнөн тастыкташты.(ZKo)
