Адвокат Азимбек Бекназаровдун “Азаттыкка” маалымдаганы боюнча учурда соттук териштирүү Конституциялык сотто жүрүп жатат. Анын айтуусунда Бишкек гарнизондук соту Исмаил Исаковдун сотко ишенбөөчүлүк көрсөтүү тууралуу арызын четке кагып, ал чечимин кайра даттанууга жатпай турган чечим катары бекемдеген. А. Бекназаровдун “Азаттыкка” билдиргенине караганда мыйзам боюнча Жогорку соттун гана чечими кайра даттанууга жатпайт, ошондуктан, айыпталып жаткан Исмаил Исаков өзү Бишкек аскердик гарнизондук соту Бектемировдун чечимине түшүндүрмө берүүсүн өтүнүп, Конституциялык сотко кайрылган.(ZKo)
