Бир катар пикир келишпестиктерге карабастан Ооганстан менен АКШнын ортосундагы мамилелер бекем бойдон кала берүүдө. Бул тууралуу Ооганстандын президенти Хамид Карзай Вашингтондо өткөн маалымат жыйынында билдирди. Карзай Вашингтонго АКШнын лидери Барак Обама жана Пакистандын президенти Асиф Али Зардари менен бирге өтө турган үч тараптуу жолугушууга катышуу үчүн келген. Ушул жылдын август айында Ооганстанда президенттик шайлоо өтөт. Хамид Карзай бул шайлоого катышуу нийетин жакында эле расмий ачыктаган.
