28 жаштагы канзаада Уильям – Улуу Британиянын падышалык тактысына өзүнүн атасы Чарльздан кийинки экинчи мураскор. Анын 29 жаштагы Кэйт Мидлтон менен баш кошуу үлпөтү Бишкек убактысы боюнча саат 16да башталды. Тойго дүйнөнүн ар тарабынан чакырылган 1900дөй сый конок катышып, падышалык үй бүлөдөгү чоң тойдун шаанисин көргүсү келген 600 миңдей саякатчылар Лондондо чогулушту. Дагы миллиондогон адамдар үлпөттү сыналгыдан көрүүдө.
