АКШнын космос агенттиги – НАСА “Индевор” чөлмөгүн Эл аралык космос станциясына учурууну 8-майга чейин калтырды. Кеме адегенде 25-апрелде учурулмак, бирок генераторлордун бириндеги ысытуу системасындагы кемтиктен улам ал үзгүлтүккө учураган. Генераторду оңдоо иши бүтпөй калып, “Индеворду” бүгүн да учурбай туруу чечими кабыл алынды. Чөлмөк станцияга 2 миллиард долларлык жабдыкты ташып бармак. “Индевор” 1986-жылы кырсыкка кабылган “Чэлэнжер” кемесин алмаштырган. Анын бул жолку – 25-учушу акыркы болмокчу.
