Кытай Тышкы иштер министрлигинин басма сөз өкүлү "ал-Кайида" уюмунун лидери Усама бин Ладендин АКШ аскерлери тарабынан өлтүрүлүшү эл аралык коомчулуктун терроризмге каршы күрөшүндө "чоң жана позитивдүү окуя" болуп калды деп комментариялады. “Кытай да терроризмдин курмандыгы болуп келатат”, - деди Бээжиндин расмий өкүлү. Кытай Шинжаңдагы жикчил согушкерлерди чет өлкөлүк экстремисттер колдошууда деп эсептейт.
