Журналист Роксана Сабери Тегерандагы Эвин түрмөсүнөн бошотулганын анын адвокаттары билдиришти. Мунун алдында Иран соту ага мурда берилген жазаны бүгүн өзгөртүп, аны эки жылга гана шарттуу кескен чечимин чыгарган эле. Башында Сабери АКШнын пайдасына тыңчылык кылды деген айып менен сегиз жылга түрмөгө кесилген болчу. Эми адвокат Салих Никбахтын айтымында, мурдагы соттун чечими жокко чыгарылды. Адвокат кошумчалагандай, Роксана Сабери Ирандан дароо эле кете алат, бирок анын бул өлкөнүн аймагында журналист катары иштөөсүнө беш жылга чейин тыюу салынды.
