“Журналисттер” коомдук уюму 16-17-майда президенттик шайлоого байланыштуу окуу уюштурат. Бул тууралуу кечээ уюмдун жетекчилери менен БШКнын кызматкерлеринин жолугушуусунда маалымдалды. БШК буга чейин шайлоо өнөктүгүн чагылдырууда “Ачык саясат”, “Репортер”, “Апта”, “Учур” гезиттери Шайлоо кодексин бузуп жатат деп, мунун негизинде сотко кайрылууга БШК укуктуу экендигин эскерткен. “Жарандык коом коррупцияга каршы” уюму мындай дооматты негизсиз деп, президенттик шайлоого үгүт иштери 18-майда башталарын белгиледи. 18-майда президенттикке талапкердик үчүн арыздарды кабыл алуу аяктайт. (BuS)
