ЕККУ Грузиядагы байкоочулар жөнүндө сүйлөшүүлөрдү токтотконун жарыялады

ЕККУнун Туруктуу Кеңешинин төрагасы Мара Маринакинин бүгүнкү билдирүүсүнө караганда, беш айга созулган ургалдуу сүйлөшүүлөрдөн кийин буга чейин жетишилгендерди анализдөө зарыл. ЕККУнун Грузиядагы миссиясы 1992- жылы иштей баштаган. Бирок Орусия менен Грузия ортосундагы согуштан кийин былтыр декабрда Москва ЕККУнун байкочуларынын мандатын улантууга каршы чыккан. Байкоочулар мандатынын бир бөлүгү былтыр жыл соңунда, экинчиси быйыл 13- майда аяктады. Ал эми кечээ Орусия ЕККУнун бул маселе боюнча жаңыланган сунушун кабыл алуудан баш тарткан. Учурда уюмдун Грузияда калган 20 байкоочусунун мандаты 30-июнда аяктайт.