Бул туурасында Маданият жана маалымат министрлигинин алдындагы кинематография боюнча департаменттин жетекчиси Абибилла Пазылов “Азаттыкка” билдирди. Фестивалга жаш режиссерлордун 2005-жылдан кийинки 60тан ашык эмгеги сунушталып, анын ичинен 14 фильм тандалып алынды. Иш чаранын алкагында жаш режиссерлор чет өлкөнүн жана Кыргызстандын тажрыйбалуу режиссерлорунан чеберчилик сабактарын алышат. Кинематография менен маданияттын көз карандысыз ишмерлеринен түзүлгөн калыстар тобу жаш режиссерлордун эмгектерин он номинация боюнча баалашат. (JJ)
