Алдын-ала маалыматтарга ылайык, Монголияда президенттик шайлоодо оппозициялык Демократиялык партиянын атынан көрсөтүлгөн талапкер Цахиагийн Элбэгдорж жеңишке жетти. Добуштар саналууда, бирок Элбэгдорждун атаандашы, Монголиянын азыркы президенти, бийликтеги Улуттук-революциялык партиянын өкүлү Намбарын Энкхбаяр шайлоодо утулганын мойнуна алды. Шайлоонун расмий жыйынтыктары бүгүн кечке жуук жарыяланары күтүлүүдө.
