Кара-Кужур өрөөнүндө 21-май күнү кечки саат жети жарым чамасында ылдамдыгы бир секундада 29 метрге жеткен шамал пайда болгон. Натыйжада шамал өрөөндө жайгашкан Лахол, Жер-Көчкү айылдарынын, Тура-Суу элдик конуштун 36 турак-жайына зыян келтирген. Мындай маалыматты Нарын районунун акими Ишенбек Медетов маалымдап, 136 шыйпыр, 3,5 чарчы метр айнек зарылдыгын Өзгөчө кырдаалдар министрлигине билдирилгендигин кабарлады. Табият кырсыгы алып келген зыяндын наркы так эсептелине элек. (KUs)
