Бүгүнтөн тарта бул күн Кыргызстанда китепканалар күнү деп белгиленет. Бул күнгө карата бүгүн “Китепканага китеп белек кыл” деген жалпы республикалык марафондун алкагында жер-жерлерде марафондор өткөрүлөт. Анын максаты окурмандарды зарыл маалыматтар менен камсыз кылуу шартына, китепканалардын фонду менен материалдык-техникалык абалын жакшыртууга коомчулук менен бийликтин көңүлүн буруу. Ал эми Улуттук китепкананын түзүлгөндүгүнүн 75 жылдыгы ушул жылдын сентябрында белгиленип, эл аралык илимий конференция өткөрүлөт. Анда азыр 90 тилдеги 6 миллион нуска китеп бар.(BD)