Маалымтка караганда, аталган кыймылдын мүчөлөрү жолугушууга президенттик кызматка талапкерлердин бардыгын чакырышкан. Бирок көпчүлүгү бул жолугушууга келишкен жок. Жолгушуунун аягында БШКнын төрагасы менен президенттикке талапкерлер таза шайлоо өткөрүүнүн механизмдери боюнча меморандумга кол коюшмак. Тилекке каршы Д.Лисовский президенттикке талапкерлер БШКнын катоосунан өтүшмөйүнчө жолугушуу өткөрүүнүн кажети жоктугун билдирген маалымат жөнөткөн. Жолугушууга келген СДП фракциясынын лидери Бакыт Бешимов БШК таза шайлоо өткөрүүнү каалабайт деп сынга алды. “Мен ишенбейм” жаштар кыймылынын мүчөлөрү дагы БШКнын дарегине сын пикирлерди айтышты. (AJ)
