Депутаттарга Чек ара кызматынын төрагасынын орун басары Чолпонбек Турусбеков маалымат берип жатып, маселе татаал болгондуктан ага бир жактуу баа бериш кыйын экендигин билдирди. Турусбековдун айтымында, Кыргызстан чек ара кызматы эки өлкөнүн чек арасы толук делмитацияланып, демаркацияланып бүткөнгө чейин өзбек тарап чек ара бекеттерин орнотууга укугу жок экенин билдирген. Бирок ага жооп болгон эмес. Чек айылынын айланасында чек ара делимитацияланган. Делимитацияланган сызыктын аркы бөлүгүндө кыргыз жарандары калып калган. Мына ошондон жаңжал чыгууда. Чек айылындагы окуя тууралуу депутаттарга өкмөттүн регионалдык маселелер боюнча бөлүм башчысы Саламат Аламанов да маалымат берүүдө. (AiT)_
