Мындай пикирин Кыргызстан чек ара кызматынын төрагасынын орун басары Чолпонбек Турусбеков билдирди. Ал эми Кыргызстан тарап чек ара маселесинде эл аралык нормаларды сактоодо, деди Турусбеков. Өкмөттүн регионалдык маселер боюнча бөлүм башчысы Саламат Аламанов Чек айылынын айланасындагы чек ара делимитацияланганын, мына ошол делимитацияланган чек ара сызыгынын Өзбекстан тарабында кыргыз жарандыгы бар 24 үй-бүлө калып калганын билдирди. Алардын маселесин чечүүнүн эки гана жолу бар. Биринчиси, ал жарандар Кыргызстан аймагына өтүп жашаш керек, же Өзбекстан атуулдугун алып, ошол жерде калыш керек. Депутат Ибрагим Жунусов Чек айылындагы чек ара толук аныкталып бүтө электигин, ошондуктан Аламановдун сөзү туура эместигин билдирүүдө. (AiT)
