Бүгүн кечке жуук Ереванда оппозициялык “Армениянын улуттук конгресси” митинг өткөрөрү күтүлүүдө. Кечээ Армениянын ордо калаасында шаар башчылыгы үчүн шайлоо өткөн. “Армениянын улуттук конгрессинин” лидери, Ереван шаар башчылыгына талапкердиги көрсөтүлгөн Левон Тер-Петросян митингде добуштардын бурмаланганын далилдеп берерин билдирди. Алдын-ала расмий маалыматтар боюнча шайлоодо бийликтеги Республикалык партия көп добушка ээ болгон.