Шаарда коопсуздук абалы калыбына келтирилип, бир нече киши камакка алынганын жергиликтүү бийликтер билдиришти. Полиция өкүлү "Мехр" маалымат агенттигине камалгандардын арасында сунилер менен шийилер бар экенин ырастады. Иран парламентинин мурдагы мүчөсү "Фарда" радиосуна маалымдагандай, шаардагы толкундоо маалында 10 киши набыт болуп, 100дөн ашууну жараат алды. Захедан Систан-Балучистан чөлкөмүнүн борбор шаары, анда нгегизинен суни балучилер жашайт. Бейшембиде шаардагы шийилердин мечитинде жардыруу болуп, 25 киши мерт кеткен.
