Сапарынын алгачкы күнүндө Обама Сауд Арапстанга барып, падыша Абдулла менен жолугушат. Эртең Барак Обама Египетке жол тартып, өлкө башчысы Хосни Мубарак менен сүйлөшмөкчү. Андан соң Обама Каирде ислам дүйнөсүнө көптөн күтүлүп жаткан кайрылуусун жасайт. Ак Үйдүн өкүлү Роберт Гиббстин айтышынча, Обама өз сөзүндө АКШнын мусулмандар менен мамилесин жакшыртууга аябай дилгир экенин баса белгилейт.
