23-июлда президенттик шайлоо акыйкат өтөрүнө ишенбестигин “Ата Мекен” партиясынын лидери Өмүрбек Текебаев “Азаттыкка” билдирди. Анын айтымында, Түп районунун аймагында курултай өткөрүүгө бийликтин каршы аракети атуулдардын укугун одоно бузуп, мыйзамды сыйлабай өзүм билемдик өкүмзарлыгы алдыдагы шайлоонун таза өтпөстүгүнөн кабар берет. БШКнын төрагасы Дамир Лисовский болсо Кыргызстанда президенттик шайлоону демократиялуу ачык, таза өткөрүүгө саясий жана укуктук жактан бардык шарттар түзүлгөнүн билдирди.(AJ)
