Бул тууралуу Медет Садыркуловдун жакындарынын адвокаты Леонид Лужанский “Азаттыкка” билдирди. Президенттик администрациянын мурунку башчысы Медет Садыркуловдун 13-мартта жол кырсыгында каза болушуна байланыштуу соттук териштирүү 18-майда Аламүдүн райондук сотунда башталган. Жол кырсыгын жасаган деп айыпталып жаткан Өмүрбек Осмонов сотто коюлган күнөөлөрдөн баш тартып, анын адвокаты окуяны кошумча тергөөнү талап кылган. Бирок соттук жараян улантылып, бүгүн өкүм чыгаары күтүлүүдө.(AiT)
