Европа Комиссиясынын жетекчиси Жозе Мануэл Баррозу бул кызматта экинчи мөөнөткө калуу нийети бар болгонун Брюсселде маалымат жыйынында билдирди. Мурда Португалиянын премьер-министри болуп иштеген Баррозу 2004-жылдан бери Еврокомиссияны жетектеп келет. Байкоочулардын баамында, өткөн аптада Европа парламентине болгон шайлоодо оңчул-чордончул күчтөрдүн жеңиши - Баррозунун бул кызматка кайрадан шайланышына мүмкүнчүлүк түздү.