Чек ара кызматынын төрагасынын түштүк аймагы боюнча орун басары Акылбек Нышанов «Азаттыкка» билдиргенине караганда, 7-июнь күнү таңгаа маал өзбек чек арачылары атып өлтүргөн кыргыз жараны, Кара-Суу шаарынын тургуну, 29 жаштагы Улукбек Жорокановдун сөөгү ата-энесине бериле элек. Коңшу өлкөнүн расмий бийлиги маркумдун денеси соттук-медициналык экспертизадан өткөрүлүп жаткандыгын билдиришти. Ишенимдүү булактардан алынган маалыматка караганда, бул маселе боюнча элчилик каналдар аркылуу сүйлөшүүлөр да барган сайын таталдашууда. (ATo)
