Музейде ок ачкан кылмышкер полициянын огунан жараат алып, оор абалында ооруканага жеткирилди. Бийликтин маалыматына ылайык, 89 жаштагы Жеймс Ван Бранн музейге кирип келип туш келди ок ачкан. Жеймс Бранн расистик маанайдагы уюмдар менен байланышта болгону маалымдалууда. АКШ президенти Барак Обама музейде болгон окуяга байланыштуу билдирүү жасап, “коомчулук улутчулдуктун бардык түрлөрүнө каршы турушу керек” деди. Холокост музейине жыл сайын 1 миллион 700 миң киши келет.
