Европадагы Коопсуздук жана Кызматташтык Уюму Кыргызстандагы милиция кызматкерлерин коомдук тартипти камсыздоодо демократиялык ыкмаларды колдонууну үйрөттү. Аталган уюмдун өкүлү Е. Черенковдун айтымында, тренинге 250дөн ашык адам катышты. Алар агрессияны азайтуу, массалык каршылык акцияларда тирешүүлөрдү болтурбоо, тынч жыйындарга чогулгандардын укугун сыйлоо ыкмаларын үйрөнүштү. ЕККУ бул окутуу иш-чараларды Кыргызстандагы Ички иштер бөлүмдөрүн реформалоо боюнча долбоорунун алкагында өткөргөн. (EBM)