Саясий ачкачылык учурда камакта жаткан саясий туткундарды боштондукка чыгаруу талабы менен болмокчу. Ага ылайык Петровка чатагына байланыштуу камакка алынган саясатчылар Эркин Бөлөкбаевди, “Болуш” биримдигинин жетекчиси Сапар Аргынбаевди жана ошондой эле 9-апрелден бери УКМКнын абагында жаткан саясатчы Аликбек Жекшенкуловду камактан бошотуу талабы коюлат. Саясий ачкачылыкты “Жашылдар” партиясынын төрагасы Эркин Бөлөкбаевдин жана “Болуш” биримдигинин жетекчиси Сапар Аргынбаевдин жакындары улантышат. Бул тууралуу “Азаттыкка” Сапар Аргынбаевдин бир тууганы Азиз Аргынбаев кабарлады.(ZKo)
