Партиянын активистеринин бири Назаркул Жоошбаевдин “Азаттыкка” маалымдоосуна караганда, Бишкекте боло турган курултайда партиянын президенттик шайлоодо кайсы талапкерди колдоосуна байланыштуу маселе каралат. Ошондой эле партиянын лидери Советбек Жамалдиновго байланыштуу да маселе көтөрүлүп, анын ордуна жаңы лидердин шайланышы күтүлүүдө. Азыркы мезгилде партиянын кээ бир мүчөлөрү Азимбек Бекназаровду партияга кайтарууну жактаса, дагы бир бөлүгү партиянын Ордо кеңешинин мүчөсү Салмоорбек Дыйкановду лидерликке сунуштоодо. (AiT)
