Алмазбек Атамбаевдин штаб башчысы Бакыт Бешимов Конституциялык сотко кайрылып, президент Курманбек Бакиевдин бир эле убакта президент жана “Ак жол” партиясынын төрагасы милдетин аткаруусу Конституцияга туура келер-келбесин аныктап берүүнү өтүнгөн. Конституциялык сот 17-июнда жыйын куруп, анда Бакыт Бешимовдун арызын сот өндүрүшүнө алуу маселесин кароону белгиледи. Бул тууралуу Бешимов “Азаттыкка” бүгүн билдирди.(AiT)