Барак Обама Иранда шайлоодон кийин башталган толкундоо, кагылышуулардан улам ырасмий Тегеранды демократиялык принциптер жана сөз эркиндигин урматтоого үндөдү. АКШ Ирандын эгемендигин урматтайт жана бул өлкөнүн лидери ким болорун эл өзү чечиши керек деп эсептейт, бирок улам жаңы толкундоолорго байланыштуу үн катпай туруп алсак калпыстык болмок, - деп белгиледи кечээ Ак Үйдө кабарчылар менен жолугушуу маалында Обама.
