Бүгүн Нью-Йоркто жакыр жана бай өлкөлөрдүн өкүлдөрүнүн үч күндүк жыйыны башталат. Конференциянын катышуучулары дүйнөлүк каржы кризис жана андан чыгуунун жолдорун талкуулашмакчы. Жыйын Бириккен Улуттар уюмунун баш кеңсесинде өтөт. Өнүккөн өлкөлөр дүйнөлүк каржы системасын реформалоону жана жакыр өлкөлөрдүн эл аралык насыя уюмдарындагы кызыкчылыктарын коргоодо БУУнун ролун арттырууну сунуш кылмакчы. Жыйында экономикалык жардам жана карыздарды кайтаруу өңдүү маселелер талкууланат.
