Ирандын тышкы иштер министри Манучер Моттаки ушул аптада Италияда өтө турган “чоң сегиздин” саммитине катышпайт. Италиянын тышкы иштер министри Франко Фраттини 25-июндан 27-июнга чейин өтө турган саммитте Ооганстандагы кырдаал да талкууланарын белгилеп, Ирандын министрине чакыруу жиберген. Бирок ISNA маалымат агенттигинин кабарлашынча, Ирандын тышкы иштер министринин Италияга баруу тууралуу планы жок. 12-июнда өткөн президенттик шайлоодон кийин Иран менен Батыш ортосундагы мамилелер кескин курчуп кетти.