Орусия Африканын энергия ресурстарынын Европага экспортун көзөмөлдөөнү көздөбөйт. Бул тууралуу орус президенти Дмитрий Медведев Намбияда иш сапары менен жүргөн жеринен билдирди. Намбияга чейин ал Африканын мунайды эң көп өндүргөн өлкөсү - Нигерияда болгон кезинде Орусиянын Газпрому менен Нигериянын Улуттук мунай корпорациясы Сахара чөлү аркылуу Европаны көздөй куур төшөөнү мерчемдеген келишимге кол койгон эле. Орус президенти Нигериядан соң барган Намбия - Африканын уран кендерине бай мамлекети.
