Пакистандын мурдагы премьер- министри Беназир Бхуттонун 2007-жылдын декабрындагы жарылуудан мерт болушун иликтөө үчүн түзүлгөн комиссияны Чилинин БУУдагы өкүлү Эральдо Муньоз жетектейт. Комиссияга иликтөө жүргүзүүсү үчүн алты ай убакыт берилген. Аталган комиссиянын мандаты бүгүн башталып жатат. Пакистан бийликтери Бхутто мерт болгон террактты уюштурганы үчүн “Талибан” кыймылынын Пакистандагы лидери Байтулла Мехсудду айыптоодо.
