Маркум Майкл Жексондун үй-бүлөсү аны менен Голливуд-Хиллстагы көрүстөндө коштошот. Бул тууралуу Лос-Анжелес шаарынын полиция башчысы Жим Макдоннелл билдирди. Эртең (7-июлда) Лос-Анжелестеги Staple Center сарайында поп-музыка жылдызы Майкл Жексон менен коштошуу зыйнаты өтөт. Ага катышуу үчүн бир жарым миллион киши алдын-ала каттоодон өткөн. Коштошуу зыйнаты өтүп жаткан маалда коопсуздук чаралары күчөтүлөрүн полиция маалымдады.