Италияда Чоң сегиздин саммити башталды

Үч күндүк жыйын Италиянын апрелдеги быйылкы жер титирөөдөн катуу жабыр тарткан Аквила шаарында өтүп жатат. Глобалдык экономикадагы кризис - саммиттин күн тартибиндеги башкы маселе.
Мындан сырткары саммитте климаттын өзгөрүүсү жана ага каршы көрүлүүчү чаралар да талкууланат. Эртеңки сүйлөшүүлөргө өнүгүп келе жаткан өлкөлөрдүн лидерлери да кошулат.

Чоң сегиздин тобуна АКШ, Британия, Германия, Италия, Жапония, Канада, Франция, Орусия мүчө.